תפילה איז משנה די טבע!! | הרב מענדל ווייס

#חיזוק #אמונה אמונה העלפט אייבג א יוד האט מיר דערציילט א מעשה. זיין שווער איז א משגיח דא אין איינע פון די ישיבה קטנות, און ער האט מיר אזוי דערציילט: זיי זענען געווען דעם פארגאנגענעם שבת ערגעץ אין פארקסוויל, אין די קעטסקילס, אינאיינעם מיט די בחורים. מוצאי שבת – אדער פרייטאג – האבן זיי געטראכט וואו מיר קענען גיין מיט די בחורים אביסל זיך אויסלופטערן. האבן זיי מחליט געווען אז דארט אויפן בארג איז דא א פארם מיט קיען, ציגן און אלעס ארום; די בחורים וועלן זיכער הנאה האבן זיך דארט אביסל אויסצולופטערן. זיי האבן זיך נאכגעפרעגט צי מען מעג פשוט אהינגיין, און מען האט זיי געזאגט אז ניין, דער בעל הבית גלייכט נאר ווען מען קומט מיט אן אפוינטמענט; ער האט נישט ליב ווען מען וואקט פשוט אריין סתם אזוי. זיי האבן נישט געוויסט וועמען צו רופן אדער וועמען צו פרעגן, האבן זיי באשלאסן: "לאמיר קודם ארויפגיין דארט, מיר וועלן שוין זען, מיר וועלן פרעגן א גוי אדער זוכן דעם בעל הבית'ס טעלעפאן נומער." עס איז א בארג ארויף, זיי האבן זיך אריינגעזעצט אין עטליכע קארס און ווענס, און ניינציג בחורים זענען אהינגעפארן. פלוצלינג קומט ארויס א איד, מיסטער גאלדשטיין, ער איז דער בעל הבית דארטן, און ער פרעגט: "וואס ווילט איר?" האבן זיי געענטפערט: "מיר ווילן זיך אביסל אויסלופטערן." זאגט ער: "יא, בכבוד גדול! דאס איז א ממש א השגחה פרטית." דער בעל הבית דערציילט זיי אזוי: "איך בין א גאנץ ווינטער אין פלארידא, איך בין נישט דא שטענדיג, נאר זומער בין איך דא און איך מאך פרנסה פון די פארם. יעצט בין איך געקומען אהער אויף א וואך ווייל עס קומט פאר א 'קעמפ עקספא' פאר אלע קעמפ געברויכן, בין איך געקומען זיין דא אויף מיין פארם. איך פלעג אמאל לאזן די פארם ליידיג אינעם ווינטער, אבער היינט זענען די קעטסקילס שוין מער באוואוינט; אידן קומען אהער יעדן שבת אין די זומער-הייזער, אפילו אינעם ווינטער קומען מענטשן אויף שבתים. נו, האב איך געוואלט אדווערטייזן אז מען קען קומען אהער אויך אינעם ווינטער ווען עס איז דא שניי, מען קען דא קומען מאכן א לעבן אויפן פארם. איך האב געטראכט צו מיר פאר די עקספא: הלוואי וואלט איך געהאט עטליכע בחורים וואס קענען דא אביסל ארומטאנצן, כדי איך זאל קענען האבן בילדער וויאזוי מען ענדזשויט דא אינעם ווינטער. יעצט איז דא שניי און עס איז א גוטע וועטער, אבער עס איז ליידיג און פוסט, קיינער איז נישט דא. נעכטן האב איך געבעטן מיין ווייב: איך גיי צו די עקספא און איך דארף בילדער צו ווייזן פארן עולם וויאזוי בחורים טאנצן דא אויפן פארם אין די שניי, כדי צו צייגן די ווינטער אקטיוויטעטן. און פלוצלינג שטיי איך און קוק, און אינמיטן פארקסוויל וואקן ארויף ניינציג בחורים!" די השגחה האט זיך אויסגעצאלט "קעש". די בחורים האבן זיך אויסגעגעבן דארטן, און ער האט באקומען גוטע בילדער פון זייער טאנצן אין די שניי. מען האט געמאכט א גאנצע סצענע מיט די ציגן און אלעס ארום. עס זעט אויס ווי א קלייניגקייט, אבער דאס איז א מעשה פון תפילה. א איד בעט אינמיטן וואלד, אינמיטן גארנישט, און דער באשעפער ברענגט אים פונקט וואס ער דארף. מען דארף גלייבן אין תפילה, גלייבן אז תפילה מאכט ממש ניסים און טוישט די נאטור. Subscribe to join https://chat.whatsapp.com/LAsO5vgXkS4G9xyMhxPzdF [email protected] איר קענט אויך זען אלע אונזערע שיעורים אויף https://batorah.com/organizations/1850 https://torahanytime.com/organizations/155 איר קענט הערן אונזער אמונה חיזוק אויף נאר אמונה ליין US 845-351-0151 UK 333-006-7757 ארץ ישראל 076-567-0657 העלף אונז ארויס מחזק זיין יודן און די גאנצע וועלט תזכו למצות https://secure.cardknox.com/nuremunah היט אפ אייער נשמה און ניצט די שטערקסטע פילטער for more info go to https://pnfteam.com/ or https://netfree.link/ באשעפער האט מיר אַלע מאָל ליב, אַלע מאָל וועט אלעס זיין גוט