ידידי רועי

יְדִידִי רוֹעִי מְקִימִי/ מִמִּרְמָס אַנְשֵׁי לָצוֹן/ הַגִּידָה נָא לִי אַתָּה עַל מִי נָטַשְׁתָּ מְעַט הַצֹּאן; שׁוּב לֶאֱסֹף נִדָּחֶיךָ/ כִּי הֵם זֶרַע אֲהוּבֶיךָ/ רְאֵה אֶת שְׁלוֹם אַחֶיךָ/ וְגַם אֶת שְׁלוֹם הַצֹּאן; רְעֵנִי בִּנְאוֹת דְּשָׁאִים/ תֵּן מִרְעִי עַל כָּל שְׁפָאִים/ בִּזְרוֹעֲךְ קַבֵּץ טְלָאִים/ וּסְחַב צְעִירֵי הַצֹּאן; אֱמֹר נָא פּוֹדִי מַצִּילִי/ עַד אָן עֲוִילִי מַנְהִילִי/ יִרְעֵנִי רוֹעֶה אֱוִילִי/ וַיְהִי הֶבֶל רוֹעֵה צֹאן;[1] לְעִירִי יַד הוֹרַי בָּנוּ/ הֲבִיאֵנוּ וּמְשׁוֹל בָּנוּ/ נֹאמַר לָגוּר בָּאָרֶץ בָּאנוּ/ כִּי שָׁם אֵין מִרְעֶה לַצֹּאן; חוֹן עֲנִיִּים מְרוּדִים/ צָבְאוּ עֲלֵיהֶם גְּדוּדִים/ הַבֵּט וּרְאֵה הָעַתּוּדִים/ כָּל הָעוֹלִים עַל הַצֹּאן; זְכֹר כִּי אַתְּ לָמוֹ נֶצַח/ וְזָר יְדוּשֵׁם כְּקֶצַח/ לָמָּה זָנַחְתָּ לָנֶצַח/ יֶעֱשַׁן אַפְּךָ בַצֹּאן; קַבֵּץ אֲלָפִים וְצֹאנֶה/ וְחַלְּצֵם מִיַּד שׂוֹנֵא/ מְהֵרָה עַל יְדֵי מוֹנֶה/ עוֹד תַּעֲבֹרְנָה הַצֹּאן; בְּנֵה מִקְדָּשׁ אֲרִיאֵל/ וּשְׁלַח מְבַשֵּׂר יִשְׂרָאֵל/ וּבָא לְצִיּוֹן גּוֹאֵל/ וְהִנֵה רָחֵל בָּאָה עִם הַצֹּאן https://chabadpedia.co.il/index.php/%D7%A0%D7%99%D7%92%D7%95%D7%9F_%D7%99%D7%93%D7%99%D7%93%D7%99_%D7%A8%D7%95%D7%A2%D7%99_%D7%9E%D7%A7%D7%99%D7%9E%D7%99